e mi chi so?Par voler farghe saver ai altri, che me piase scrivar poesie in venessian? no me par de essar un ambissioso, e gnanca un esibissionista, credo che sia belo che i me amissi possa conosser i me pensieri piu creativi! Comunque resto sempre un diletante e tanto me basta. adesso ve fasso lesar una dee mie poesiole:Cronache rialtine
Al mondo succede dei fati assai gravi
La nostra Rialto no ga più imbriaghi
In cambio ne riva, ormai xe da mesi
Cofà e formigole tanti cinesi
i vien coe valise stracolme de grana
E i ga comprà tuto! so mare …….!!!
Parchè i comercianti de ieri e de’ncuo
Coi vede i contanti se vende anca ‘l ….!!
El bon Marco Polo garbato e cortese
El ga comercià co l’impero cinese
Vivendo, par ani, ala corte del kan
El sa guadagnà ‘ l so bel toco de pan
Però no voria che co sta invasion
Rialto deventa cofà china town
Francesco (5 agosto 2005)
Nessun commento:
Posta un commento